ALL COURSES

R5,495.00

Refer a Friend

Product query

Convert currency

Skryf 'n roman

Het jy nog altyd daarvan gedroom om ‘n roman te skryf? Ons interessante en praktiese aanlynskryfkursus is ontwikkel om jou stap vir stap te begelei.

Jy kry deurlopend kundige raad, leiding en ondersteuning van Wilna Adriaanse, 'n ervare, en bekroonde Afrikaanse skrywer. Laat ons jou help om daardie eerste manuskrip te skryf en jou terselfdertyd iets meer oor die uitgewersbedryf te leer. Alles in Afrikaans.

Hierdie is ‘n omvattende kursus wat jou stapsgewys leer om ‘n manuskrip te skryf. Leer hoe om dialoog te skryf, karakters te ontwikkel, ‘n storielyn te struktureer en spanning te skep.

Aan die einde van die kursus behoort jy ‘n volledige voorlegging aan ‘n uitgewer te kan stuur.

Die kursus behels aspekte soos:

Die basiese beginsels: tema, perspektief, stem, genre, karakterisering, storielyn, struktuur. (Modules 1-5)
Skryfvaardighede: styl, dialoog, hersiening (Modules 6-8)
Publikasie: vind ‘n uitgewer, redigering en die produksieproses. (Modules 9-10)
Die skrywerslewe: probleme en neigings (Modules 11-12)

Die belangrikste aspek van die kursus is egter die skryf van jou eie manuskrip. Namate die kursus vorder, verskuif die klem van oefeninge af na meer individuele raad en leiding ten opsigte van jou eie manuskrip. Jy gaan gereeld teksgedeeltes aan jou studieleier stuur, waarop hy/sy kommentaar sal lewer. Hierdie kommentaar sal aan die begin redelik kort wees, maar mettertyd langer word, soos jou storie vorder. Aan die einde van module 12 sal jy waardevolle kennis opgedoen het en ‘n teks van ten minste 20 000 woorde hê.

Die doel van hierdie aanvanklike kursus is om ‘n teks van tussen 25 000 – 30 000 woorde te produseer – waarop jy breedvoerige kommentaar sal ontvang. Jy het daarna ‘n keuse of jy met ‘n gevorderde kursus wil voortgaan. Gedurende die gevorderde kursus het jy dan die geleentheid om die manuskrip te voltooi.

Kursus besonderhede:

Modules: 12 Modules
Duur van die kursus: Die kursus kan teen jou eie tempo binne 12 maande voltooi word.
Begin datum: Jy kan enige tyd van die jaar via ons webwerf vir die kursus registreer.

Studente moet die volgende voltooi:

Aanvanklike teks van tussen 25 0000 to 30 000 woorde
‘n Begeleidende brief aan ‘n uitgewer

Toelatingsvereistes:

Basiese skryfvaardighede is noodsaaklik
Rekenaarvaardighede, e-pos en Internet toegang word verlang
Geen na-skoolse opleiding/kwalifikasies is nodig nie

Vanaf module 6 is daar ‘n skype-sessie vir hierdie kursus beskikbaar. Sien meer hieroor . . . More...

Studieleier vir hierdie kursus :

Wilna Adriaanse

Leerplan

Module 1 - Jou roman: 'n inleiding

Waarvoor het jy jouself ingelaat?
Vrae wat dikwels gevra word
Kom aan die gang
Sukkel met skrywersblok (writer’s block)
Vind ‘n Roetine

Module 2 - Die grondbeginsels

Waarvoor het jy jouself ingelaat?
Vrae wat dikwels gevra word
Kom aan die gang
Sukkel met skrywersblok (writer’s block)
Vind ‘n Roetine

Module 3 - Karakterisering

Karaktergedrewe verhale
Leer ken jou karakters
Hoeveel om te Openbaar en Wat om te Verswyg
Karakterisering dra by tot die Storielyn
Vind ‘n Roetine’n Verskeidenheid Karakters
Dialoog
Wees op die uitkyk vir

Module 4 - Storielyn

The King Died, the Queen died
Storielyn en genre
Deurslaggewende Elemente in ŉ Storielyn
Klassieke Storie-Struktuur
Karakterboë
Onthou die Uitgangspunt (Premis)
Newe-storielyne
Verbreek die Reëls
Praktiese wenke

Module 5 - Struktuur

Basiese Eienskap van ’n Toneel
Skep Tempo en Spanning
Die Geheim van Oorgange
Vermy Tyd Knope
Die Samestelling van Paragrawe
Begin en Einde
Uitsonderings op die Reël

Module 6- Skryfstyl

Wat is Styl?
Kan Goeie Styl Aangeleer Word?
Wys, Moenie Vertel Nie
Mooiskrywery (‘Purple Prose’)
Ritme en Musiek
Flagrante foute (die meeste van die tyd)

Module 7- Dialoog

Waarom is Dialoog Belangrik?
Skryf sterk dialoog
Identifiseer die spreker
Dialoog uitleg
Voorbeelde

Module 8 - Hersien jou werk

Waarom Redigeer?
Die Geval Van “On the Road”
Wanneer is die regte tyd om te begin hersien?
Is Dit Nie Proeflesers Se Werk Nie?
Beteken’n Klomp Hersiening Ek Is ‘n Slordige Skrywer
Wenke vir Hersiening

Module 9 - Om jou boek te verkoop

‘n Waarskuwing
Doen jou huiswerk
Om dit voor te lê
Die Groot Wag
Aanvaarding…en die Kontrak
Agent Of Nie?

Module 10 - Die produksieproses

Redigering
Bladsy uitleg
Proeflees
Omslagontwerp
Die reklameteks
Drukkers toe!
Berging en Verspreiding
Bemarking
Geldmaak
Skedulering

Module 11 - Die skrywer se lewe

Doen die Praatwerk
Die Gevreesde Resensies
Na die Feestelikheid
Maniere om volt e hou
‘n Paar Noodsaaklikhede
Verbind jouself tot dié Lewe

Module 12 - Die pad vorentoe

Boeke in die toekoms
Self- publikasie
Om in Moeilike Tye Te Skryf
Die Wispelturige Leserspubliek
Na Module Twaalf: In Kanne en Kruike

Hoe werk die kursus?

Elke module bestaan uit ‘n volledige stel notas wat per e-pos aan ‘n student gestuur word.
Aan die einde van elke module sal daar van die student verwag word om ‘n sekere aantal woorde aan die studieleier te stuur, waarop kommentaar gelewer sal word.
Sodra die skryfoefening en teksgedeelte aan die studieleier gestuur is, lewer hy/sy kommentaar en daarmee word die module as afgehandel beskou.
Studente mag deurlopend op die kollege se webjoernaal kommentaar lewer/ vrae vra oor die kursusmateriaal of ander skryfaangeleenthede.

Voorwaardes vir die uitreiking van die sertifikaat:

By die voltooiing van die kursus ontvang studente ‘n sertifikaat van die SA Writers' College, mits daar aan die volgende vereistes voldoen word:

Studente moet alle skryftake voltooi het.
Die kursus binne 12 maande na registrasie voltooi het.
Studente die minimum vereiste van 50% vir die kursus behaal het.

Hoeveel tyd gaan die kursus verg?

Dit is moeilik om te voorspel, aangesien sommige mense vinniger as ander skryf. Vir elke 1000 woorde van jou manuskrip, kan jy ongeveer een uur opsy sit vir die skryf daarvan, en net so lank vir die hersiening. Die oefeninge behoort elk nie meer as twee ure te neem om te voltooi nie. Aan die einde van die kursus moet jy jouself egter ook tyd toelaat om jou manuskrip een laaste keer behoorlik deur te lees en alle uitstaande verbeteringe aan te bring. Dit bring jou by ongeveer 90 uur oor die verloop van die 12 modules of gemiddeld 7-8 ure per maand.