Vryskutjoernalistiek vir tydskrifte en e-publikasies
Vryskutjoernalistiek vir tydskrifte en e-publikasies
Word ’n vryskutjoernalis in die digitale ekonomie
Leer die nodige vaardighede aan om artikels vir tydskrifte en e-publikasies vinnig en doeltreffend te skryf en te verkoop.
Die kursus in vryskutjoernalistiek vir tydskrifte en e-publikasies bemagtig jou met die kennis van goeie navorsingstegnieke om boeiende artikels te kan skryf. Die era van die vryskutjoernalis het aangebreek en jy kan nou uit die gemak van jou eie woning vir talle publikasies van regoor die wêreld skryf.
Daar is sekere vaardighede wat jy wel sal moet aanleer voordat jy hierdie opwindende nuwe reis in jou loopbaan kan aanpak. Om as vryskutjoernalis te slaag, sal jy aanpasbaar genoeg moet wees om die een dag ’n ligte, ‘voelgoed’-skryfstuk aan mekaar te slaan, en die volgende dag ’n ingewikkelde wetenskaplike teks te lewer. Jy sal lang en kort skryfstukke moet kan lewer – alles van blogmateriaal tot gedrukte vaktydskrifartikels. Ons Vryskutkursus leer jou hoe om artikels vir ’n breë spektrum van tydskrifte en e-publikasies te skryf.
Jy gaan leer hoe om idees wat verkoop, te kry, hoe om redakteurs te benader, die kuns van goeie onderhoudsvoering, hoe om van begin tot einde aan jou storie te skaaf, asook hoe om jou besigheid suksesvol te bestuur.
Kursusvoordele
Individuele terugvoer
Ontvang vinnige, eerlike en volledige terugvoer van ’n bekroonde skrywer wat verstaan hoe om aan ’n persoon se unieke skryfstyl te skaaf om die beste resultate te verkry.
Geen groepresensies nie!
Jy sal slegs deur jou studieleier geassesseer word (wat ’n kenner in haar veld is). Jy sal nie meer hoef te wonder hoe om te skryf nie – jy sal stap-vir-stap gelei word.
Geen outomatiese assessering nie
Ons gebruik tradisionele metodes om take te assesseer – presies nes die redigeerders by ’n uitgewersmaatskappy sou doen.
Werk teen jou eie pas
Werk waar en wanneer jy wil. Ons bekwame administrasiespan en jou studieleier is regdeur die werksweek beskikbaar om al jou vrae te beantwoord.
Relevante, bruikbare inhoud
Maklik bestaanbare kursusnotas wat ’n leeftyd se skryfkennis bevat, gereed vir jou om dit op jou eie werk toe te pas.
Deurlopende assessering
Jy word ná elke module geassesseer.
Laat jou artikels uitstaan deur die gebruik van goeie skryftegnieke
’n Slim manier om jou joernalistieke loopbaan mee af te skop
Deur die loop van 11 modules gaan jy deur ’n vaardige joernalis gelei word, wat nie net ’n kenner en mentor is nie, maar ook self in die veld werk.
In 300 bladsye en 20 skryfoefeninge takel hierdie kursus al die kwessies en kwelvrae wat groentjiejoernaliste mag hê, help jou om algemene foute te vermy en leer jou hoe om aan jou skryfstyl te skaaf.
Aan die einde van die kursus sal jy met twee volledige artikels wegstap wat onmiddelik gepubliseer kan word.
Laat jou artikels uitstaan deur die gebruik van goeie skryftegnieke
’n Slim manier om jou joernalistieke loopbaan mee af te skop
Deur die loop van 11 modules gaan jy deur ’n vaardige joernalis gelei word, wat nie net ’n kenner en mentor is nie, maar ook self in die veld werk.
In 300 bladsye en 20 skryfoefeninge takel hierdie kursus al die kwessies en kwelvrae wat groentjiejoernaliste mag hê, help jou om algemene foute te vermy en leer jou hoe om aan jou skryfstyl te skaaf.
Aan die einde van die kursus sal jy met twee volledige artikels wegstap wat onmiddelik gepubliseer kan word.
'Dit was 'n wonderlike ervaring! Die terugvoering was spoedig en uiters volledig. Die opleier was te alle tye behulpsaam en aangenaam. Sonder Danielle sou ek nie die kursus so baie geniet het nie. Sy is 'n regte diamant van 'n opleier. 'n Instansie van puik gehalte!'
Leandri Joubert, Vryskutjoernalistieke kursus
Kursus Oorsig
TOTALE KOSTE
R 8 995.00
Prys sluit BTW in.
AANTAL SKRYFOEFENINGE
20
Die lengte van die take wissel.
AANTAL MODULES
11
Modules dek rofweg 300 kursusbladsye.
TYDSDUUR VAN KURSUS
12
Werk teen jou eie pas vir ’n maksimum tydsduur van twaalf maande.
AANVANGSDATUM: ENIGE TYD
Aansoeke word heeljaar aanvaar.
TOELATINGSVEREISTES:
- Studente moet Afrikaans goed magtig wees.
- E-pos en internettoegang is ’n vereiste.
- Geen tersiêre kwalifikasie is nodig nie.
Studente se suksesverhale
Ons is trots op die studente wat sukses behaal het. Hier is net ’n paar van die suksesverhale van studente wat ons kursusse afgehandel het.
Studieleier vir hierdie kursus:
Annelien van Basten
Annelien van Basten is ’n gekwalifiseerde taalkundige en skrywer met meer as 20 jaar ondervinding in die mediabedryf. Sy het al by talle groot publikasies soos Beeld, Finesse, Maksiman, Top Huis, Longevity, Avokado, Troukoors en BELLA gewerk. Haar ervaring strek veel verder as net gedrukte media. Sy het ook baie jare se ondervinding in aanlyn media en het vir platforms soos Homemakers-online, Troukoors, Life, Love & Weddings, voelgoed.co.za, bellamag.co.za, afrikaans.com en vele meer geskryf.
Haar vorige posisies sluit in gesondheid- en motorredakteur vir BELLA, produksieredakteur vir Finesse, produksiebestuurder vir Carpe Diem Media se Boekafdeling, artikelredakteur vir Troukoors en kopieredakteur vir Top Huis en Avokado.
Annelien se belangstellings sluit in: vermaak, diere, gesondheid, verhoudings, motors, liefde, troues en dekor.
Module 1
- Onderskei tussen tydskrifjoernalistiek en ander skryfgenres.
- Weet wat jy nodig het om as vryskutjoernalis ’n begin te maak.
- Leer om stelselmatig te werk.
- Ken die elemente van tydskrifjoernalistiek.
- Kry antwoorde op die mees algemene vrae oor ’n loopbaan in tydskrifjoernalistiek.
- Werkstuk 1: Oefen om niefiksie te skryf wat “wys” eerder as “vertel” (beoordelings- en terugvoertake)
Module 2
- Ontleed ’n tydskrif ten opsigte van inhoud, styl, formaat, invalshoek, teikenmarkte en lesersprofiel.
- Leer hoe om jou skryfwerk teen dié van ’n geselekteerde tydskrif te meet.
- Onderskei tussen die verskillende tipes artikels wat in tydskrifte gevind word.
- Werkstuk 2: Analiseer die lesersprofiel, styl, invalshoek en formaat van ’n geselekteerde tydskrif (beoordelings- en terugvoertaak).
Module 3
- Weet waar en hoe om trefferidees te vind.
- Leer tegnieke aan om idees te kry.
- Onderskei tussen ’n onderwerp en ’n invalshoek.
- Bestudeer ’n oorsig van bekende tydskrifte in SA.
- Werkstuk 3: Verfyn invalshoeke; Hoe om ’n invalshoek vir ’n artikel te identifiseer (terugvoertaak)
Module 4
- Vind uit hoe om die perfekte navraagbrief te skryf.
- Onderskei tussen spekulasiestories, navrae en formele opdragte.
- Werkstuk 4: Skryf ’n navraagbrief aan jou geselekteerde tydskrif waarin jy alle aspekte van styl, invalshoek, inhoud en formaat vervat (beoordelings- en terugvoertaak).
Module 5
- Beplan en werk die struktuur van jou artikel uit.
- Leer onderhoudvoeringstegnieke.
- Kry betroubare inligtingsbronne.
- Verstaan wat plagiaat is en hoe om dit te vermy.
- Werkstuk 5: Werk die struktuur van jou voorgestelde artikel uit, en maak seker van die logiese vloei van inhoud (terugvoertaak).
- Voer onderhoude en doen navorsing.
Module 6
- Verstaan die noodsaaklike elemente van ’n onweerstaanbare inleiding.
- Identifiseer die verskillende tipes inleidings.
- Werkstuk 6: Skryf ’n onweerstaanbare begin vir jou artikel (beoordelings- en terugvoertaak).
Module 7
- Identifiseer die hoofkomponente wat aan ’n artikel ‘lyf’ gee.
- Gebruik die basiese verhaalstruktuur om jou artikel te beplan.
- Gebruik oorgangstegnieke en logiese vloei om leesbaarheid te vergemaklik.
- Identifiseer die faktore wat leesbaarheid beïnvloed.
- Werkstuk 7: Begin om die hoofgedeelte van jou artikel te skryf (beoordelingstaak).
Module 8
- Identifiseer die belangrikste grammatika-, styl- en leestekenreëls.
- Ken die reëls vir die korrekte gebruik van aanhalings.
- Vind uit hoe om kassies en inligtingsblokkies doeltreffend te gebruik.
- Werkstuk 8: Toets jou kennis van grammatika, styl en leestekens (beoordelings- en terugvoertaak).
- Werkstuk 9: Timmer die inhoud tot perfeksie (beoordelingstaak).
Module 9
Eindig in Styl
- Identifiseer die verskillende slottipes.
- Werkstuk 10: Skryf die slot vir jou artikel (terugvoertaak).
Module 10
- Redigeer jou artikel volgens basiese riglyne.
- Verstaan die verskillende tipes dekbriewe en hoe om jou artikel op ’n professionele wyse aan te bied.
- Betalings
- Oorwin terugslae en skrywersblok.
- Verstaan die grondbeginsels van kopiereg en sindikasie.
- Werkstuk 11: Redigeer jou artikel en lê dit saam met ’n dekbrief voor (beoordelings- en terugvoertaak).
Module 11
- Hoe artikels vir die web van tydskrifartikels verskil
- Die gebruik van sleutelwoorde, opskrifte en hiperskakels
- Hoe om ’n artikel vir ’n webtydskrif te skryf
- Skryfoefening: Skryf ’n artikel van 600 woorde vir ’n spesifieke aanlyn platform (vir assessering en terugvoer).
NB: Let asseblief daarop dat die kursusnotas vir Module 11 slegs in Engels beskikbaar is.
Ons Studente Sê...
Ontvang hierdie bykomende voordele ...
Lewenslange toegang
Trek lewenslange voordeel uit toegang tot toekomstige kursusbywerkings.
Sluit aan by ons skrywersgemeenskap
Kry toegang tot ons vriendelike Facebook-gemeenskap, daaglikse skryfwenke en skryfinspirasie.
500+ bonusartikels op ons blog
’n Uitstekende hulpbron met relevante artikels oor verskeie aspekte van skryf en onderhoude met skrywers.
Werk teen jou eie pas
Ons kursusse pas by jou beskikbare tyd aan. Jy kan dus jou kursustye vrylik rondom jou alledaagse aktiwiteite beplan.
Werksgeleenthede
Topstudente word uitgenooi om by ons ‘skrywer- en redakteur-huurdiens’ aan te sluit.
Wees van die eerste skrywers om van nuwe skryfkompetisies uit te vind
Ons maak seker dat jy van die jongste kompetisies weet.Ons maak seker dat jy van die nuutste kompetisies weet.
Ons bied ’n risiko-vrye, 100% geld-terug waarborg
Ons is só seker dat jy jou kursus sal geniet, dat ons ’n 100% geld-terugwaarborg bied indien jy nie met die gehalte van die kursus tevrede is nie.
Vul die aansoekvorm in en skop af met die vryskutjoernalistieke kursus.
Jy sal binne een werksdag ’n goedkeurings-e-pos en faktuur ontvang.
Het jy Vrae?
Ons het Antwoorde!
Die kursus bestaan uit elf modules. Jy sal uitvoerige kursusnotas per e-pos ontvang. Ná elke module sal jy versoek word om skryfoefeninge te doen. Die kursus bestaan uit ’n totaal van twintig take en elkeen tel vir jou finale punt. Sodra take afgehandel en per e-pos aan jou studieleiergestuur is, sal assessering en terugvoer plaasvind, waarna jy die volgende module uit ons Studentesentrum kan aflaai.
Absoluut. Jy het direkte kommunikasie met jou studieleier regdeur die loop van die kursus. Meer vrae beteken dat jy die maksimum voordele uit hierdie kursus sal trek.
Jy sal lewenslange toegang kry, sowel as enige toekomstige bywerkings en verbeterings aan die kursus.
Vir die grootste deel van al ons kursusse sal slegs jou mentor jou werk sien. Dit bly privaat totdat jy besluit om dit te laat publiseer. Die skryfstukke van die joernalistieke kursus mag dalk in die publieke domein gepubliseer word, maar jy het steeds die finale sê.
Studente sal ’n SA Writers College-sertifikaat ontvang indien hulle die kursus afhandel en aan die volgende vereistes voldoen:
- Studente moet al 20 take afhandel.
- Die kursus moet binne 12 maande vanaf registrasie afhandel word.
- Studente moet ’n minimum van 50% behaal.
- Basiese skryfvaardighede is noodsaaklik.
- Basiese rekenaarvaardighede, e-pos en internet toegang word benodig.
- Geen vorige tersiêre kwalifikasies word vereis nie.
Omdat jy met ՚n individuele studieleier sal werk, kan jy enige tyd van die jaar aansoek doen om met jou kursus te begin. Daar is nie spesifieke begindatums soos by tradisionele instansies nie.
՚n Aansoek word gewoonlik binne een werksdag goedgekeur. Sodra ons jou bewyse van betaling ontvang het, kan jy wegspring met jou kursus.
Leestyd: 18 uur
Skryftyd: tot sowat 35 uur
Navorsingstyd: 6 – 10 uur, afhangende van die ingewikkeldheid van die artikelonderwerp
Sodra ՚n applikasie goedgekeur is sal jy ՚n e-pos met ՚n faktuur ontvang. Nadat ons die bewys van betaling ontvang het sal ons die eerste module per e-pos stuur. Jy sal ook jou studieleier se e-pos adres en jou aantekenbesonderhede ontvang. Jou studieleier sal jou kontak om jou te verwelkom.
Enige werk wat jy tydens ՚n kursus skep behoort aan jou. Ons sal nooit ՚n eis instel tot enige iets wat jy vervaardig nie. Ons werk volgens die reël dat alle kopieregte die skepper s’n bly (dis nou jy).